宅男天地:來自天堂的妖精

韓國最出名嘅網遊係乜嘢?相信好多人都會第一時間講係《天堂2》!當年佢以華麗嘅畫風同埋宏大嘅世界觀,讓唔少電玩迷擊節讚賞,當然出色嘅女角亦功勞唔少,好似呢位妖精當年就唔知迷死幾多電玩迷。

呢班侍奉水之神嘅妖精,個個樣靚身材正兼夾氣質高雅,以前都曾經出過唔少模型,只係講到氣質同身材,卻以呢個新作為最。分明嘅五官、高挑嘅身材加上誘人美腿,賣相已經相當吸引,加上佢件低胸衫同埋高貴嘅大理石白套裝,感覺更係勁華麗!若然將佢擺喺屋企嘅話,相信會令唔少男士情願對住佢,多過想出去溝女。

全  高:約245mm

售  價:約HK$1,026

暫定發售:2013年6月