模影模蹤:鷹羽澪三長一低

從政府嘅宣傳片當中,得知要身體健康,除咗要日日運動身體好,仲要避免飲食三高一低,即係話唔好食高油脂、高糖分、高鹽分以及低纖維嘅食物,但如果好似鷹羽澪咁三長一低,睇得多則絕對有益身心,不過只係對男士而言。

特長事業線

雖然小弟係一名日本AV狂熱分子,日本水着寫真亦令我有所分心,因為佢哋實在太鮮明太耀眼,最重要係胸前嘅巨乳迷人之極。大家可能會話胸大唔代表靚女喎,好似AV女優Julia咁,又有氣質又有對水滴形J奶,咁至係極品嘛。冇錯!以往真係有好多水着妹得個胸大,而樣子唔得吸引,甚至熟到過咗龍,好似H奶松金洋子咁,胸就大喇,但係個樣甚老,唔係幾多人鍾意。不過,家陣時移勢易,好波又好樣嘅尤物大有人在,上年一出道即被稱為「最強新人」嘅鷹羽澪就係一個好例子。澪妹被稱為最強新人,主要原因佢個胸真係好大,足足有成39吋I Cup,脹卜卜、白雪雪之餘,每當阿妹打側輕躺或彎身倒奶時,都顯示出對I奶高度軟熟,唔使講都知道係純天然產品。亦因為咁,阿妹一夾雙峰,一條特長事業線可以到半呎咁長!

演出夠豪放

鷹羽澪除咗事業線長,其長處仲有唔少,首先係手長,雙手垂低已經去到半條大腿,雖然睇落好似長咗少少,但係據聞手長之人有福氣又有資格成為人中之龍,傳說之中嘅劉備就手長及膝喇。另外,阿妹佢條腰都算長,所以腰圍即使有24吋,睇落亦相當纖巧,加上條腰又夠柔軟,挺胸、收腹就已經形成美妙嘅S形。阿妹擁有三長,另一個優點係夠低,唔係智力低,而係年齡低,上年8月至夠19歲嘅澪妹,個樣雖然帶有一點點鄉土味道,但係勝在夠稚氣夠純情,令人相當有好感。澪妹係就係上年10月至出道,但係演出寫真DVD嘅時候,卻冇想像中咁保守,除咗大玩各種挑戰走光臨界點嘅動作,仲任由工作人員伸手搓胸,相信假以時日,有機會挑戰一下AV拍攝喎。

個人介紹

鷹羽澪雖然出道之後人氣勁升,但可能因為太忙而唔得閒開博客,所以大家要知道阿妹嘅最新動向以及性感相,暫時只可以去其所屬單位YS乙女學院嘅網頁。

網址:http://visualweb.youngsunday.com/otome/12_007.html

鷹羽澪 Profile

年齡:19歲

身高:5呎4吋

三圍:39I-24-35

撰文:賢