日本水着女優美貌與身材兼備，性感得嚟不失健康感覺，所以要入屋相當容易。故此，我哋對於日本水着妹認識唔少。而提到近年最受亞洲人熟悉嘅，應該就係佢，原幹惠！
香港嘅夜場海報好多時都會套用日本水着妹嘅肖像，貪佢哋又靚又好身材。不過，咁多個女優當中，大家又會認得邊幾個呢？照小弟草率估計，應該認得原幹惠最多，冇計嘅，因為佢曝光率夠高，而且曾經做過電視劇嘅女主角，最重要係佢由頭到腳都咁索，唔認得就假啦。今年25歲嘅原幹惠十年前就出道，當時參加「第九屆全日本國民美少女競選」而受人注目，之後就成為知名模特兒，再同時兼任水着女優。阿妹佢樣子生得標致得嚟又相當具親和力，令人睇落舒適又印象深刻。當然，令男人深刻嘅仲有佢嘅偉大身材，阿妹胸前生有一對37G美巨乳之外，膚色白裏透紅，腰幼而臀部大小適中，簡直係Fit到漏油。阿妹表示過其胸部喺小學時期已相當出眾，當時都有少少苦惱，不過擔任模特兒之後就發覺呢對巨乳正係出色武器，幫助自己名成利就。
原幹惠出道以來，憑住出眾身材以及過人美貌，發展相當順利。人氣持續上升，令阿妹佢好快成為電視台嘅獵物，搵佢拍下唔少電視劇，例如《甜心戰士》。2009年，原幹惠更加有機會飾演電視劇《孃王Virgin》嘅女主角杏藤舞，喺呢部劇集當中，AV天后麻美由真、吉澤明步等都只係做其陪襯，凸顯出原幹惠嘅身份地位。之後，由於此劇受歡迎，所以製作單位食住上，一年後再拍《孃王3 Special Edition》，阿妹就繼續擔任女主角，令其人氣再度提升。活躍多年仲係單身嘅原幹惠最近被問及幾時結婚，阿妹就表示未到35歲都唔會考慮呢個問題，仲話近期忙於參演特撮電影《蒙面超人Foze》，今年仲希望一反以往只係扮演善良角色嘅慣例，挑戰演出性感嘅反派角色，令人好期待呀。
原幹惠家陣影視雙棲發展，活動多不勝數，要知道阿妹最新嘅動向，去到其所屬事務所為佢而設嘅綜合網頁睇睇就清楚晒。
網址：http://beamie.jp/t/mikie_hara.html
年齡：25歲
身高：5呎5吋
三圍：37G-24-35
撰文：賢