韓流吹襲全世界，唔少韓國男女藝人都爆紅，就連內地擁有韓國血統嘅靚女都一樣咁紅，講嘅就係嚟自山東煙台嘅人氣模特兒金美辛，一睇佢個名就知佢係朝鮮族人啦！
金美辛嘅入行都幾傳奇，話說某日遇到個網友，正拍攝一款名車嘅寫真，見美辛行過，就拉埋佢入鏡，美辛貪得意就拍咗幾張，點知照片貼上網後，不少網友都被美辛嘅美貌同身材吸引。美辛樣子清秀，加上有幾分韓星味道，而且身高175cm，上圍有35吋D級，配埋24吋小蠻腰，真係玲瓏浮凸。咪以為美辛只得個樣，原來佢自小就喜歡唱歌跳舞，喺老家嘅藝術學校讀高中，之後就考咗入北京電影學院，接受正規培訓，所以演技一啲都唔差，自2008年入行，一直深受廣告商同雜誌社嘅歡迎，工作不斷。
由於美辛入行係同名車有關，出道後拍咗唔少名車嘅照片，更係各地車展嘅常客，於是被網友稱為「新一代車模小天后」。亦係內地綜藝節目嘅常客，出席或主持過嘅節目多達十幾個，知名度一直高企。近年網絡遊戲大盛，美辛亦踏足做代言，周不時見佢扮演遊戲角色人物，性感度極高，仲入型入格，證明佢演技精湛，連帶一眾宅男都視佢為偶像。相信美辛日後有機會拍影視作品，定會有更出色嘅演出。
網頁內收藏了很多金美辛自出道以來嘅照片，當中有斯文淡定嘅寫真，亦有唔少性感噴血作品，值得大家一看。
網址：www.moko.cc/jinmeixin
出生地：山東煙台
三 圍：35-24-35
身 高：175cm
撰文：龍四海