內地動漫界女神，為數唔少，但要數至尊級嘅，一定非佢莫屬。因為佢出席活動，例必成為焦點所在，用萬人空巷嚟形容也不為過，而佢扮演嘅動漫角色更係粉絲們嘅至愛。佢就係嚟自上海嘅「動漫至尊女神」葉梓萱。
2010年，葉梓萱無意中參加咗China Joy做某大電玩公司嘅騷女郎，以其嬌美外表同完美身材，被網友一致推為「最美騷女郎」，自此一鳴驚人，短短三年時間，佢拍嘅廣告同代言就超過三十個，出席各大電視台嘅綜藝節目更多達四十個，人氣一時無兩。梓萱除咗人靚身材好，口才仲十分了得，出席每一個節目都畀觀眾留下好深嘅印象，所以好快就有電視台正式搵佢做主持，家陣最少有兩個節目做緊主持工作，除咗綜藝節目，更擔正做電視劇女主角，佢嘅星途可算十分暢順。
梓萱係內地少數出過寫真集嘅影視明星，擁有35吋E級上圍嘅梓萱，配埋小蠻腰同桃形小臀，係男人都會被佢吸引，所以推出後反應一流，據講加版再加版，但大家咪以為寫真集內嘅梓萱會徹底奉獻，如果咁諗嘅朋友就會比較失望，因為內裏大多數係梓萱嘅生活照，性感照片唔多。想睇好嘢，了解呢位宅男界公認嘅至尊級女神身材有幾火辣，記住上佢嘅官網呀，網內除咗收錄梓萱嘅性感硬照外，一啲動漫活動嘅性感造型照，亦十分有睇頭，值得留意。
簡介：網站內收錄咗葉梓萱多年來嘅寫真作品，當中性感寫真佔大多數，值得向粉絲們推介。
網址：www.moko.cc/yoyiki
出生地：上海
三圍：35-23-34
身高：170cm
撰文：龍四海