雖然出得嚟做裸模都係三點任睇，但講到尾都想人前人後保持形象，唔想讓人覺得佢係個淫蕩慾女。呢種心態你我他都明白，只係人氣裸模Nikki Lee，卻反其道而行，對外宣稱自己係個無慾不歡嘅人，更話好享受唔同男士交歡嘅樂趣，呢啲咪就係演繹真我囉！
呢位今年27歲，喺英國出生嘅裸模Nikki Lee，並非天生就係名慾女，更從未諗過會成為裸模，反而希望成為一個舞蹈員。可惜從小就缺乏自信，不但唔敢喺人哋面前表演舞技，甚至怕化妝見人。據Nikki講細個時嘅佢相當內向，總係覺得就算化咗妝都冇人欣賞，喺人哋面前跳舞，更係缺乏呢種勇氣。好彩Nikki有班好朋友，喺佢哋嘅鼓勵下，終於肯踏出第一步，不但肯去參加舞蹈比賽，更勇於喺舞台上演出。縱然第一回合就畀人Out出局，只係自信心返晒嚟嘅Nikki卻從此不再龜縮，撞啱當時有體育報紙舉辦「Search For A Star」比賽，Nikki膽粗粗將自己嘅靚相寄去，從此踏入裸模界。
憑住一把金色秀髮及玲瓏浮凸嘅身材，Nikki不但贏出比賽，更被汽車雜誌邀任車模及為時裝雜誌影噴血寫真，並喺其他選美比賽中摘下桂冠後，更成功上埋電視做客串主持，工作接到唔停手。不過講到佢人氣爆燈之作，並非上電視亦非影寫真，而係佢接受某成人雜誌訪問時，自爆係個無慾不歡嘅慾女，曾經同約五千個男人上過床，更曾經一日同4個男士曳曳。由人氣裸模到化身慾女，Nikki一啲都冇後悔自爆性生活。佢表示：「有人話我係性成癮者，其實係咪都冇所謂，因為我好享受，一啲都唔想接受治療。」講得咁白，Nikki果然係相當有個性！
想睇到呢位性情中人嘅靚女，當然要去佢個官網啦！而Nikki一啲都唔孤寒，大量靚相任睇之餘，佢仲好勤力喺官網內個Blog度留言。想知佢嘅最新動向嘅話，嚟呢度絕對冇錯。
網址：nikkilee.co.uk
出生日期：1985年12月27日
身高：5呎7吋
三圍：30E、24、33
撰文：魂