紅顏薄命，上天總係對佢哋不作眷顧，古有王昭君被送去塞外和番，近年亦有台灣女子組合S.H.E.嘅成員Selina拍劇被火燒傷。而日本水着界美人谷桃子嘅命途都唔見得好咗去邊。
藝能界有好多秘辛不為外人道，所以唔少藝人都會寫吓自傳，既可宣傳一下自己，亦可大爆圈中秘聞增加銷路，咁又可以搵番一筆喇。而作為水着妹谷桃子嘅自傳應該內容豐富，因為其演藝生涯當中真係有血有淚。今年28歲嘅桃子出道六年，氣質典雅高貴，仲充滿傳統日本女性之美。桃子雙眼又大又有神，甚具攝人神韻，我就欣賞佢笑嘅時候雙眼綻放出愉快心情、擺出誘人嘅S形姿勢時眼中又流露姣味、當佢呆呆企定，雙眼又無辜可憐，真係好迷人呀！此外，桃子亦人如其名，胸前嘅35D美乳亦屬桃子形，基於阿妹本身嘅肌膚都係白裏透紅，所以一對桃子同樣呈現粉紅色澤，分外吸引。
桃子嘅演藝生涯可謂甚具傳奇色彩。阿妹佢高中畢業之後，曾經喺手機專賣店打工，一年之後就離職。由於天生麗質，桃子順利應徵成為車模，因而被事務所負責人睇中，發掘佢成為水着妹。之不過上任當日，阿妹去到原宿遊玩，點知迷路，唔知咁樣係咪正代表其演藝生涯並不順利呢？
例如演出電視節目《神之舌》其中一段環節嘅時候，桃子因劇情需要而扮昏迷，要男諧星同佢做心外壓。期間，該男星唔知係有心定無意，隻手向桃子個胸係咁搓係咁摸，而導演未叫停機桃子就一直忍耐落去，真係淒涼。事後，桃子為免掀起風波，都係息事寧人。又有一次，桃子被人指摘腰圍唔係官方公布嘅23吋，而一量之後仲發現腰圍有成28吋！事隔一段時間之後，桃子再量腰圍又回復正確尺寸，原來期間被事務所勒令唔准食飯，阿妹真係慘呀！
谷桃子一直甚受電視台歡迎，成日都參與電視節目演出，想知道佢最近又忙於拍咩節目，就要Click上其個人博客喇。
網址：ameblo.jp/tanimomo/
年齡：28歲
身高：5呎4吋
三圍：35D-23-34
撰文：賢