睇到個題大家千祈唔好誤會，以為日本嘅水着女優下海，要陪玩家飲酒兼食飯，查實佢哋只係早排喺日本涉谷益坂，開咗間名叫Coconuts Lounge嘅水着女優主題餐廳。呢間從下午4點開到夜晚12點嘅餐廳除咗有嘢食有酒飲外，班水着女星仲會定期喺度舉辦活動，好似女僕主題日、女學生主題日等，目的就係希望打造涉谷成為水着女優嘅勝地。講咗咁耐，究竟喺度可以睇到邊個水着女優呢？除咗隊長中村葵外，仲有平野聰子、今野杏南、甲斐翔貴等，個個都係炙手可熱嘅女優嚟o架！
撰文：魂