記得好多好多年之前，小弟曾經暗戀過一位斯文又可愛嘅同班女同學，雖然佢（當時）冇豐滿嘅身段，家底（當時）又唔係幾豐厚，但係每次見到佢嘅笑容，聽到佢嘅笑聲，成日人都不禁為之迷醉。到我成功表白，大家勾住手指尾行街街，感覺真係猶如置身仙境一樣快樂。只可惜，家陣已經好難再搵到呢種感覺喇。不過，為我提供到少少安慰嘅仲有佢，保田真愛！呢位年方十八嘅美少女斯文柔弱，亦有活潑開朗嘅一面，一見到佢就令人諗起初戀無限美。大家更深刻體會到真愛嘅魅力所在，不妨欣賞一下佢最近嘅寫真DVD《TRUE LOVE》啦。當中阿妹會以充滿青春回憶嘅服飾，例如一件頭泳裝、學生服、體操服上陣，仲會去到泳池、籃球場等充滿學園感覺嘅場地搔首弄姿，令人回味到在學時期嘅歡欣。