性感人氣模特兒喺大家嘅心目中，一定係每晚都過着五光十色嘅生活，工作多多之餘，緋聞同樣多到不得了，但今日介紹嘅呢位性感偶像，除咗拍攝工作外，少有佢嘅其他新聞，咁低調嘅佢，就係嚟自北京嘅韓卓爾。
以韓卓爾嘅性感外表，要走紅模特兒界，甚至娛樂圈，相信一啲問題都冇。經過長時間觀察，阿女人氣一直高企，但為人就十分深閨，除咗工作就係工作，而且十分安於本分，冇涉足其他影視範疇，緋聞更係從未聽聞，卓爾咁低調，唔知係佢經理人故作神秘，定係本身性格就係咁樣，由此令卓爾更添一股不吃人間煙火嘅美，不少宅男都視佢為神秘女神，只要佢一有新寫真推出，點擊率就會爆晒燈，亦因為有咁龐大嘅粉絲群，卓爾嘅工作接踵而來，冇因為為人低調而流失。
卓爾係地道北京人，皮膚白滑，樣子帶點清雅感覺，但要佢扮演性感角色一樣難佢唔倒，單係一對35吋E級豪乳，已令佢嘅性感地位屹立不倒，配埋24吋小蠻腰，同35吋翹臀，呢幾個代表完美嘅數字配搭起嚟，外形絕對令人注目。卓爾有176cm嘅身高，一對42吋修長美腿，稍稍露出都已經令人驚艷，何況一係唔露，一露就會豁出去，經常真空全裸拍照，所以佢嘅寫真照片噴血度極高，睇佢嘅艷照，真係要準備定紙巾嚟抹鼻血！卓爾未來都會專注拍攝工作，將有大把機會睇到佢嘅性感寫真，正呀！
出生地：北京
三圍：35-24-35
身高：176cm
撰文：龍四海