茶餐廳好多都有學生優惠，只要出示學生證，又或者穿校服幫襯，就可以食到價錢優惠嘅學生餐，又或者享有折扣優待。而巴拉圭一個新開嘅大型購物中心，最近亦為身穿特別服裝嘅來賓提供優惠，咁佢哋又有乜要求呢？當日只要穿着內衣入去，就可以得到每件貨品收平約25蚊港紙嘅優惠。由於實在太着數，所以令購物中心內到處都係內衣男女，肉光四射，亦成功令購物中心嘅銷售額勁升。
撰文：賢