模影模蹤:劉雨欣巨乳才女

早前內地熱播嘅電視劇《步步驚心》,喺佢哋嘅記招上,一位演員竟以繃緊超低胸裝示人,即時成為全場焦點。呢位新進女星,就係嚟自湖南衡陽嘅劉雨欣,阿女除咗「乳」出驚人之外,原來仲多才多藝,前途無可限量。

能歌善舞

今年24歲嘅劉雨欣,畢業於中央戲劇學院表演系,曾參與不少舞台劇演出,所以論演技絕對難佢唔倒,加上佢曾經參加「亞洲風貌」選美大賽,贏得冠軍殊榮,所以佢樣貌一啲都唔輸蝕。雨欣並未有因此而自滿,決定延後出道,先去戲劇學院讀書,為自己嘅演藝事業打下基礎。2009年畢業後就參與影視工作,更做埋平面模特兒,替唔少知名品牌拍攝廣告硬照,由於雨欣成個古典美人咁樣,可塑性十分高,所以深得廣告商同攝影師嘅歡迎。除此之外,雨欣更係能歌善舞,於2011年參加《舞動奇迹》比賽,大演精湛舞藝,令佢人氣急升,全國皆知。

巨乳曝光

雨欣一直都以才女形象示人,所以好多人都唔知佢身材原來咁勁,就算拍攝性感照時,都係有限度露吓乳溝,但自記招會上「乳」出驚人之後,人人都話佢係「禾稈冚珍珠」,而翻查資料一睇,原來雨欣有170cm嘅高度,一雙修長美腿絕對見得人,加上35吋D級上圍,着啲大低胸嘅衣服,絕對有波濤「胸」湧、呼之「肉」出嘅效果,阿妹小蠻腰只得23吋,而下圍就有成36吋,纖腰配巨躉,身材更見玲瓏浮凸,睇佢嘅性感寫真,少啲定力都會舉旗不定呀!

專屬網站

劉雨欣照片官方網站,一定係以下網址莫屬,裏面有齊眾多雨欣嘅彩照,唔少仲係噴血寫真,而且雨欣仲會寫吓啲感想,很值得捧場。

網址:www.moko.cc/yuxinliu

劉雨欣Profile

出生地:湖南衡陽

三 圍:35-23-36

撰文:龍四海