我係搬屋工人，話說上星期日開工，屋主係個空姐，佢手無縛雞之力，手裏只攞住個小盆栽，其他東西都係由我哋嚟幫手，佢可能怕我哋欺負佢，所以不停講住男朋友嚟緊，好快就到。但到我哋收工，佢男朋友都仲未見人，返到公司，見車頭有盆盆栽，心諗一定係空姐留低，於是咪做好心送番畀佢，點知一開門就見空姐撲埋嚟同我濕吻，足足吻咗三分鐘，佢至發現係我，問點解我會上嚟？我惟有指指盆栽，佢十分感激，仲請我入去坐，期間佢更爆料，話自己愛上有婦之夫，男友約好會嚟幫手，但因為要陪太太，所以失約，之後仲喊起嚟，我即時唔知點算，於是用強壯臂彎將佢一抱入懷，空姐喊咗一陣之後，兩人四目交投，睇嚟好快就會有嘢發生……