加入娛樂圈嘅人都想名利雙收，加入水着界嘅水着妹當然亦係咁諗。而為咗增加收入，好多水着妹都會多棲發展，好似人氣女優原幹惠咁就拍埋電視劇，而篠崎愛亦有擔任歌手。不過，講到歌藝精湛又夠索，就梗係吉木莉莎啦！
有人話香港根本就冇娛樂圈，但係我就話香港係有娛樂圈，不過素質比其他國家差。差嘅地方在於藝人嘅質素，相對於日本就唔同，好多男優女優都係智慧與樣貌兼備，吉木莉莎就係其中一位。25歲嘅莉莎出生於千葉縣船橋市，細個嘅時候以漫畫家為目標。但係，好彩阿妹唔能夠一圓美夢，因為佢生得嬌美如花，靚女到被評為「符合臉形黃金比例的正統派美女」。生得靚之餘，莉莎仲擁有一副誘人身段。身高5呎5吋嘅佢三圍有32C-23-35，純天然又有睇頭嘅C奶彈力十足，配合美尻同長腿真係渾然天成。
莉莎初中三年級參加早安少女組面試，可惜落選收場。到高中一年級佢就喺原宿被星探發現，從而成功加入藝能界。之不過，當時事務所知道佢精通音律同擅長民謠之後，居然要阿妹唱老派嘅演歌，仲安排佢上咗兩年演歌課程，而莉莎就明言自己對此相當反感。同一時間，莉莎開始拍水着寫真，同時參與電視節目《校園夜間富士》，知名度漸漸上升。期間，阿妹除咗上去搔首弄姿賣弄美貌同身材，亦有表演唱歌。而為咗迎合深夜節目觀眾嘅口味，莉莎唱嘅歌都帶點情色成分。另外，阿妹亦好快完成亞細亞大學嘅學士課程成為大學畢業生。阿妹咁忙碌都能夠順利畢業，證明佢夠勤力又夠聰明，家陣嘅後生仔女真係要學吓喇。
吉木莉莎近年人氣急升，活動多籮籮，梗係要開設個人網站，等班Fans可以收到阿妹嘅最新消息啦。
網址：http://columbia.jp/yoshikirisa/
年齡：25歲
身高：5呎5吋
三圍：32C-23-35
撰文：賢