想一嘗天體樂趣，又想學性愛瑜伽，又唔想偷偷摸摸，咁下年嘅一月，千祈唔好錯過一年一度嘅性愛天體瑜伽度假訓練營喇！活動地點喺牙買加一個Hedonism Resorts內舉行，屆時全民皆剝，天體上瑜伽班，仲有經典脫星Nina Hartley坐鎮，度假、天體兼執劑，係咪爽爆先？
官方表示活動名叫「Hedo Kama Sutra Week」由2013年1月26日至2月3日，於牙買加度假勝地Hedonism Resorts內舉行。Hedo係一個地方，報稱有7英里長嘅白色沙灘，酒店有280間客房、5個酒吧、6個游泳池、6個網球場、最先進嘅健身室、多間夜總會、水療中心，水上活動包括浮潛和水肺潛水，每晚的娛樂節目和主題派對。
Hedonism據當地人拆解有兩個含意，一係對快樂嘅追求，二係體現人類最高真善美最高道德價值。好深？好簡單至真，皆因約2006年開始，呢度正式變成一個天體勝地，世界上不同大小嘅天體活動舉行都會揀呢度，例如Miss Nude比賽又或一啲多P派對，都會攞正牌相約同好喺當地盡興，難怪Hedonism已成為蒲友每年度假天堂！
活動並非得個淫字，據主辦單位表示，統計過去3年活動，參加者由30對夫婦發展到今日150對，增幅非常驚人。因此大會決定玩大佢，先請嚟LadyDee及Sarge呢對性愛瑜伽夫婦負責娛樂及性愛課程導師，加上現役超熟女，同樣對Kama Sutra有研究嘅美國脫星Nina Hartley，示範如何將性愛瑜伽融入男女性愛中，勁呀！
玩咁多日，絕冇可能日砌夜砌，因此大會預早安排一切活動，包括正確性愛按摩，主要針對女士，屆時有女「專員」親手令囡囡體驗何謂G點高潮，男士可從旁學習。鍾意跳舞嘅夜晚可以上性挑逗舞蹈班，由索爆Dancer教授鋼管及肚皮舞，包你伴侶冧爆！為咗增加男女參加者認識機會，大會安排一晚裸體池邊派對，男女都要全裸入場，一邊浸水一邊飲酒，仲唔High爆。當然唔少得例牌嘅索女選舉Miss Kamasutra ，愈能做到高難度動作，勝出機會愈大，冠軍仲可以免費參加下屆活動添！
撰文：祖