最近內地出現一個女子組合，走日本最強組合AKB48嘅路線，個個囡囡都精靈可愛，日前當中嘅十位成員，更為網上遊戲拍攝咗一輯古裝造型照，認真「卡娃依」，經網友票選當中人氣三甲，大家又嚟評一評分吧。
入選嘅三位囡囡，都係組合裏面嘅骨幹成員，經常曝光，所以人氣最勁，就好似趙玲，佢樣子甜美，身材適中，好識得影相，所以當成班囡囡出動時，佢嘅表現就最為突出，照片出街後，自然吸引粉絲們嘅目光。喺今次活動中，佢飾演小龍女嘅角色，擺明就係女主角啦！呢身小龍女造型，又真係幾靚女㗎！
出生地：上海
年齡：21歲
三圍：33-24-35
身高：166cm
一眾成員當中，走「卡娃依」路線最成功嘅，一定係今次票選第二位嘅王瑩，平時佢嘅造型都已經特別可愛，所以出道無耐，就已經擁有大批粉絲，只要有佢出席嘅地方，就會見到佢粉絲團嘅蹤影，而今次活動，王瑩就以桃花島主造型，見佢一身桃花仙子嘅打扮，完全將古裝嘅「卡娃依」推至極限。
出生地：上海
年齡：21歲
三圍：33-25-34
身高：163cm
呢個女子組合雖然暫時未有隊長組長等嘅職稱，但喺眾粉絲嘅心目中，張羨理應成為隊長，事關佢哋出席活動時，都會見到由佢嚟回答問題，表現甚有大將之風，所以絕對係粉絲心目中嘅隊長人選。今次張羨以白駝山莊主為代表，見佢一身塞外嘅打扮，真係別具一格，而張羨身材咁好，點解唔露少少呢？
出生地：上海
年齡：21歲
三圍：34-25-35
身高：167cm
撰文：小德