早前，《AV達人》一欄曾經提及過，日本有AV女優參與一個名為「色情電視救地球」嘅活動，當中女優為咗籌款不惜公開畀男人摸胸，慈善精神真係值得敬佩。不過，為慈善不惜出賣肉體嘅唔單只得AV女優，仲有英國一支空中救援隊The Great North Air Ambulance嘅女支持者。佢哋為咗幫救援隊籌集資金，於是召集到14名年齡由18至65歲嘅女士，齊齊剝光上身拍攝裸背照，以助製作2013年月曆。據聞，由於照片拍得「春光明媚」，所以一百四十個限量版月曆已經沽清，希望佢哋可以再加印啦。
唔知係日本男士睇得AV同色情漫畫太多，定係佢哋難以控制自己，所以日本國內不時發生風化案，好似電車癡漢嘅問題就無日無之，搞到電車公司要特設女性專用車卡喇。不過，呢啲問題都係解決唔到，早前就有一位女學生當街當巷被癡漢騷擾。據講，呢名身穿校服嘅女學生踩單車從學校返屋企期間，突然畀一名年約30歲嘅男子截住去路，仲同佢講：「咪走！除你對襪畀我，我畀3,000日圓你。」女學生見佢一臉猥褻，就知道佢有戀物癖，仲唔走為上着咩！幸好嘅係阿妹最後成功返到屋企，否則損失嘅可能唔只對襪。
撰文：小德