南韓女子組合「少女時代」人氣爆燈，令全亞洲男生都為佢瘋狂，日本為咗力抗呢股「韓流」，最近推出咗一隊由7位美腿模特兒組成嘅組合「美腿時代」。呢隊「美腿時代」，聲稱7位組員都係職業模特兒，平均身高為171公分，年齡介乎23歲到29歲間，7位組員都擁有一雙修長美腿，令男Fans目不暇給。7位組員為咗保持身材，每天都需接受經理人公司嘅嚴格訓練及看管，唔可以畀佢哋有任何走樣情況，萬一有任何人受唔住的話，就會即刻被革走！
阿壽：&o&
近年韓風真係好厲害，無論係男星定女星，總之一定有人捧場，就連韓劇都大受歡迎，不過我始終係日本迷，鍾意日本妹多啲！所以呢隊組合我捧硬！
林仔：^v^
呢七位長腿小姐真係唔錯，相當有睇頭，最難得係條條腿都咁正斗，啱晒我呢類鍾意玩腿嘅男人，淨係睇見佢哋騷長腿，已經企唔穩喇！
十十：*~*
我覺得韓國妹有韓國妹嘅味道，日本妹有日本妹嘅氣質，總之我唔理咩國籍，係靚女我就捧場，所以呢隊「美腿時代」我一樣捧場，仲要落足眼力睇添！
撰文：巴戟