德甲班霸拜仁今季喺國內聯賽威到盡，開季初段喺德超盃擊敗宿敵多蒙特之後，返到德甲未嘗一敗，唯一污點只係喺歐聯作客巴迪嘅時候兵敗而回。雖然係咁，拜仁近況依然強勁，剛剛又喺歐聯小勝里爾一球，相信返到德甲主場出擊對決利華古遜一定士氣如虹，好似飲完十全大補酒之後去完髮廊再去骨場，最後再戰夜總會一樣咁威。而利華古遜方面，今季專蝦弱隊，對住強隊如多蒙特、史特加就一負一和，不過前鋒傑斯寧狀態唔錯，相信面對拜仁應該有士哥。所以，我認為今仗拜仁會贏利華古遜，但係應該都會有所回吐，波膽我會估4:2。
德甲聯賽：
拜仁慕尼黑 對 利華古遜
香港時間：
10月29日00:30