世界上有好多吧，常見嘅有酒吧、網吧，另外曾經出現過嘅雪茄吧以及氧氣吧。而日本方面更加出現咗一間出奇特別嘅自慰吧。呢間叫做Love Joule嘅酒吧位於東京涉谷區，只限女士幫襯。女士入到去就可以見到牆上除咗陳列出不同美酒，仲可以見到四處都係震棒、震蛋等情趣玩具。負責人表示呢間酒吧開設嘅目的，係為咗令女顧客可以同朋友公開暢談自慰嘅樂趣，唔會再認為自慰係一種禁忌，一種令人感到羞恥嘅行為喎。
睇日本AV嘅時候，難免會發現有好多作品都描述癡女如何將男優淫辱。大家可能會問：世間上邊有咁狼胎嘅女人呀？
真係有o架！早前，內地江蘇就出現女色魔事件，一名男子搭火車去到蘇州，點知又搵唔到酒店落腳，期間有兩個女人話可以提供房間畀佢住，一晚只係收20蚊人仔，於是該名男子就跟咗佢哋走。點知！一入到屋二女就將房門反鎖，仲向男子要求發生性行為。男子為怕事後畀人屈錢，立即斷然拒絕。而二女此時似乎要霸王硬上弓，男子只好從呢個位於二樓嘅單位跳落樓逃生。幸好，男子落下嘅位置剛好有貨物墊底，不過佢條腰就受咗傷啫。
撰文：小德