喜愛夜蒲嘅巴打，最尷尬事莫過於夜場內搞到索女上手，兩人情緒高漲，點知去到酒店正想翻雲覆雨嗰陣，女方突然問句：「你記唔記得我先？」男人心諗如果記得，就唔會翻撻你啦！呢個時候除咗尷尬，答得唔好隨時臨門撻Q，今日就請專家教大家救命三招！
專家話囡囡認得你，而事前唔相認，係要等到緊張關頭至表白，擺明就係想激吓你同時氹吓佢，所以一定要好肯定咁答「記得」，之後要加多句問佢呢排去咗邊？專家話呢句反問，可以扯開話題，畀囡囡多講自己嘅威水史，好等男方有更多蛛絲馬迹，盡快諗起對方係乜水，另外表明雙方關係熟得嚟各有底線，確保進可攻退可守。
係女人都鍾意人讚佢索，因此一個「索」字可解決眼前窘境，但囡囡一句「係咩？」後，就會追問咁我係邊個？無經驗嘅男士必定賴嘢。最好等佢未答你之前就反客為主，問佢點解索咗咁多？事關可保你浪子形象同時又可向女方暗示只當佢係女人一個，心裏冇乜嘢留戀，跑慣江湖嘅囡囡就會知難而退，快快趣同你砌完收工！
專家話呢句情深反問，絕對可以反客為主，令囡囡即時心動，如果見囡囡語窒，記緊即時補多幾句深情說話，一定可以融化囡囡嘅心，就算存心搵你算帳都自動扯白旗投降呀！呢一刻女人唔單止畀你搞，仲係想點玩都得！但專家警告，呢招要閱歷夠嘅玩家至好用，初哥講完衰多兩錢重，原本打一巴可能要食夠幾吓添！
撰文：祖