都市人生活節奏急速，工作壓力又大，人人掛住搵錢，放工之後，都累到無晒性慾。其實都市真係有好多性慾殺手存在，而頭三位殺手更加係好多人都知，不過就經常掉以輕心。如果情況嚴重嘅時候，隨時會變成性無能，咁就大件事喇！所以凡事都要及早預防，咁先至可以避免恨錯難返。
政府成日忠告市民，吸煙危害健康，其實除了吸煙可以導致性功能減弱之外，飲酒亦係導致性慾下降嘅原因之一。美國有醫學報告指出，吸煙能夠影響血管嘅血流量，對於男性嘅勃起功能會構成障礙，結果當然直接影響性愛質量。飲酒過量會影響血壓，而良好的健康，同血壓狀況好有關連，所以飲酒同吸煙，其實就係都市頭號性慾殺手。
工作壓力喺所有都市性慾殺手中，排行第二位，證明壓力嘅威力有幾大，足以令你身體出現嚴重問題，包括性能力問題，試問如果你腦袋內充滿了煩惱，怎麼可能提起性慾？壓力更會影響賀爾蒙分泌，睾丸激素及雌激素等重要物質水平會降低，性慾自然提唔起。所以最重要識得尋找釋放壓力嘅途徑，令自己賀爾蒙分泌回復正常，才有機會重燃慾火。
兩性相處，如果不能和諧共處，經常一言不合，就引發無休止嘅爭吵，自然會無晒胃口，甚至連見面的興趣都無埋，仲邊有性趣可言。另外，美國有醫生表示，溝通交流係兩夫妻相處中最重要嘅元素，對於女性來說，產生親密行為，係屬於兩性關係精神層面嘅行為，如果無心靈觸動嘅感覺，就連親密嘅欲望都會冇埋。
撰文：西太后