AV達人:最佳脫星唔使脫?

向來被喻為成人網絡界最有公信力網站freeones,每年例牌搞最佳美國脫星頒獎禮選舉,由網民選出業界最具影響力脫星,得獎者有成過萬美元獎金,仲可全國巡迴做騷,好巴閉o架!頒獎禮多年嚟深受四仔迷歡迎,可惜今年就被外界插爆造馬,事隔幾個月都未平息添!2012冠軍係嚟自挪威嘅Vicky Vette,講個名大家都唔知係乜水,再加上原來阿姐年屆47歲,用過嘅藝名更係多不勝數,有網民就將佢起底,原來阿姐近十年都冇正式拍過四仔,入圍經已夠出奇,攞埋冠軍簡直係奇迹喎!不過當事人一於少理,繼續跟大隊出發做騷,更話如果唔鍾意佢,2013記得咪投佢票喎!

新人王鬧爆照上位

先前都話freeones頒獎禮公信力大減,你睇佢嘅最佳新人(Best New Corner)仲過分,往年由索妹Haley Cummings攞走冇人敢嘈,但今年居然由24歲,入行不足半年,出四仔未夠四部嘅英國肥妹仔Siri打敗超索洋妞Melana Morgan搶走獎項,難怪網民咁鼓譟啦!更離譜係一眾評審話佢得獎原因係當事人愛生活、愛性愛、愛剝衫兼愛粉絲喎!計我話評審愛佢對天然38HH巨乳就真啦!可惜你愈鬧,阿妹喺網絡人氣愈高,莫非呢個正係高層捧新女手法?

撰文:祖