《魔法戰記奈葉》由班女主角幾歲，畫到佢哋廿幾歲，都仍然咁受大家歡迎，除咗因為古仔精彩外，亦因為班美少女喺唔同嘅年齡階段時，散發出唔同嘅魅力，而今次為大家帶嘅呢位嚟自《魔法戰記奈葉Force》嘅女角之一菲特‧泰斯塔羅沙咁，就係其中一個好例子。
喺呢套《魔》嘅第四輯中，菲特已經由一位9歲小女孩，變咗個25歲嘅金髮美少女。咪睇佢平時着得好密實，查實佢只係禾稈冚珍珠。今次佢以水着造型登場，迷人身材讓大家一覽無遺。除一對迷人雙子峰外，菲特條蛇腰同美腿，更係吸睛力勁強，襯埋佢嗰條細到爆嘅泳褲，更見魅力非凡！
全高：約265mm
售價：約HK$754
暫定發售：2013年2月
撰文：魂