性在有排數:早晨蜜語 學定唔使瘀!

相信唔少老友都有一夜情嘅經驗,喺夜店遇上心儀嘅對象,大家一夜纏綿之後,第二朝唔知醒瞓晏咗,當你一瞪開眼時,發現對方已經瞓醒,仲含情脈脈咁凝望住你,除早晨外,第一句說話要講乜嘢呢?今日就請嚟專家教大家常用三招!

第一位:依家幾點呀?

專家話九成一夜情嘅朋友都唔想天光後再有乜嘢糾纏,所以一擘開眼仲見囡囡喺度,第一個本能反應就係要鬆人,當你慌張地問依家幾點?無論囡囡答你係六點定係九點,你都第一時間彈開話遲大到,咁就可以火速地着衫走人,就算佢有嘢同你講,你都可以耍佢話下次見面先至再講,唔同佢糾纏,至於幾時再見,再撞到至算。

第二位:你肚餓未呀?

專家話有時遇上唔錯嘅囡囡,瞓醒後唔想即刻走人,咁可以再同佢發展一下,但四目交投又唔習慣,最好就係問佢肚餓未?一般人癲咗成晚,點都會肚餓,你嘅適時關心,一定會加分,之後再起身負責安排早餐,囡囡對你會再次加分,同時把握呢段抽離嘅時間,睇吓囡囡嘅反應,進可攻,退可守,唔對路嘅即撇,啱嘅咪傾多陣囉!

第三位:以為你走咗添!

專家話一夜情後,男女雙方其實都急於先走人,而女方留得喺度望住你瞓,九成係對你有意思,如果你有心有力兼有時間,咁就可以同佢講:「我仲以為你走咗添!」囡囡即時會被打動,因為種種原因而冇先走嘅心情,你一瞓醒就體會到,佢除咗感動,都冇其他反應,男方再主動出招將囡囡一抱入懷,相信食埋早晨全餐都冇問題。

撰文:小德