好多人對英國王妃Kate Middleton嘅印象都好好，因為佢外表溫柔婉約，行為舉止又大方，絕對可以做戴安娜嘅接班人。不過佢遠房表妹Katrina Darling就剛剛相反，行為放蕩大膽，性格狂野，最近先至以全裸姿態登上成人雜誌封面，之後又參加活動變身脫衣舞孃，赤裸裸嘅自由女神造型，再加埋吞火棍，真係令人目瞪口呆。歌舞劇演員出身嘅Katrina，行為一向我行我素，是次扮演自由女神，原本沒有打算演變成脫衣舞，不過佢可能愈玩愈高興，最終愈脫愈起勁，欲罷不能之下僅脫剩銀色胸貼，更三番兩次猛扯下半身的丁字褲，令觀眾高呼狂叫。