為咗令大家嘅生活方便舒適，好多家庭用品已經改以無線操作，好似無線熨斗、無線遙控嘅電風扇等等，唔使再畀條電線阻手阻腳真係好。至於情趣玩具方面，好多產品亦改以無線遙控器控制，好似呢款Odeco 12 Speed Wireless Remote Control Egg就係遙控震蛋嘅新里程碑。呢款震蛋小巧輕盈，仲可以利用無線遙控器控制開關，以及調校震動頻率，方便又好用，不過最強之處，在於呢款新產品發出嘅震頻有十二種之多，比同類產品多出三種，所以總有一種震頻可以引發女用家嘅高潮。
售價：約HK$344
香港地少人多，我哋嘅屋住環境亦都變細，好多四人家庭都只係逼喺一間二三百呎嘅屋仔，難怪我哋成日都覺得外國嘅月光特別圓，至少佢哋好多都可以住花園洋房。亦因為佢哋間屋夠大，所以享受閨房之樂亦特別多樂趣，事關好多拘束、SM玩意都需要較大空間。不過，今次為大家介紹嘅呢款拘束道具，就啱晒本地人玩。呢款Sex & Mischief Door Play Kit入面有四條綑綁用絲帶、兩個可以調校長短，用嚟套上房門嘅繩帶以及一個眼罩，專門畀大家將愛人或由愛人將自己綁喺房門，享受拘束交歡之樂，既慳位又好玩。但如果你屋企連房門都冇，咁就真係幫你唔到喇！
售價：約HK$307
撰文：賢