內地嘅模特兒由於競爭激烈，所以佢哋一有拍攝嘅機會，就會充分把握，每次都會瞓身演出，可以話一啲都唔錫身，例如上身真空嘅性感照片，估計就有八成囡囡拍過，而喺眾多寫真照當中，最令人印象深刻嘅，一定係今日介紹嘅呢三位靚女。
嚟自北京嘅名模侯詩辰，出道兩三年時間左右，但人氣一直高企，事關佢身材真係冇得彈，有175cm嘅身高，對奪命香雞腿最少都有42吋長，加埋36吋嘅巨乳，就算着住衫都一樣性感到爆，何況詩辰出晒名夠拚夠搏，拍親寫真只要氣氛一到，就會連胸圍都剝埋嚟影，雖然只露出東西半球，但已經令唔少網友三魂唔見咗七魄。
年齡：20歲
三圍：36、25、35
身高：175cm
嚟自西安嘅靚女安瑞甜，一直以少女造型為賣點，拍咗唔少少女時裝嘅廣告照片，但近年發現自己亦有成熟性感嘅一面，於是開始轉走性感路線，由於入行都有三年多，所以對拍攝一啲都唔陌生，一投入拍攝時，東西南北半球經常攞出嚟見人，所以佢嘅寫真噴血度極高，好多網友都被佢嘅寫真深深吸引，實力絕對毋庸置疑。
年齡：23歲
三圍：35、26、35
身高：168cm
同樣嚟自西安嘅大美人韓昕怡，出道日子好短，只有一年多時間，所以好多嘢都喺摸索嘅階段，好在佢嘅經理人識得安排，叫佢走青春路線嘅同時，不妨涉獵埋性感路線，有170cm身高兼35吋巨乳，昕怡擺出嚟就已經十分惹火，何況初生之犢，為求效果，拍攝性感照時，次次都去到盡，中空示人當閒事，相信昕怡好快就會上位。
年齡：22歲
三圍：35、24、35
身高：170cm
撰文：小德