真係唔到你唔服，日本嘅AV女優幾靚都有，最抵死係除咗靚女，身材仲一流，上圍同坐圍夠豐滿，腰肢又纖幼，成個葫蘆咁款，係女仔都恨死佢哋。不過，點解一班AV女優可以Keep到副偈咁靚呢？我哋不如透過佢哋嘅博客了解一下啦。
數到近年小弟最欣賞嘅日本AV女優，現年23歲嘅櫻心美絕對係三甲之一。心美氣質美艷又妖媚，具有攝人魂魄魅力，身材方面更加嚇親人，皆因佢條腰得22吋，上圍居然有34G！除此之外，心美拍片嘅時候亦相當落力，小弟仲記得佢拍嘅一套《泥醉助平》系列，當中阿妹按指示不斷飲酒，於醉醺醺嘅情況下同男優激戰。而幕後花絮當中透露出心美於拍攝期間，因為醉得滯而一度昏厥，你話佢幾有專業精神呢！最近，阿妹於博客上表示參與過東京灣嘅煙花大會，當晚佢仲着住浴衣四圍走，天氣咁熱都包到咁密實，一定成身大汗，有助Keep Fit減肥。
網址：http://blog.livedoor.jp/kokomi_sakura/
日本AV名廠Alice Japan廠內天后眾多，其中一位就係辰已由衣。由衣妹原本係賽車女郎，所以身材相當好，除咗擁有5呎7吋高度，三圍仲有35F-23-35。由衣近年仲深入鑽研瑜伽，令身體變得極之柔軟，拱橋、一字張腿、立定一字馬等等高難度動作都難佢唔倒。玩瑜伽當然可以幫到由衣Keep Fit啦，但係我覺得佢成日過韓國玩都有關係。最近，由衣就將自己漫遊韓國嘅過程上載到博客，可以見到阿妹相當喜歡韓式料理，大家知道啦，韓國菜辣味特別勁，而據聞辣椒可以減肥，由衣食得多自然好身材啦。
網址：http://www.tatsumi-yui.alicejapan.co.jp/
Alice Japan廠內嘅天后級人物除咗有辰已由衣，仲有朝日奈明。明妹初出道嘅時候，雖然都算好身材，但係仲帶少少肥肉。幸好，出道之後，明妹身材愈來愈Fit，三圍Keep到變成35E-22-34，胴體充滿美妙嘅曲線美。至於阿妹點解可以咁Fit呢？我個人認為同佢嘅工作態度有關，因為改行癡女戲路嘅明妹演出嘅時候幾乎幕幕都力戰群男，成日都做到身水身汗，唔Fit就假啦。明妹最近又於博客中表示，自己剛剛面對完連續三個星期嘅緊密工作，又拍三仔又要四出做宣傳，仲參加攝影會以及簽名會，工作排得咁密，一定冇乜時間食飯，想唔瘦都幾難。
網址：http://blog.livedoor.jp/asahina_akari/
撰文：賢