倫奧收檔，但話題仲未完噃，皆因全球都想知奧運村內運動員用咗幾多避孕套？與其嘥時間喺呢啲話題，不如睇睇被喻為性虐界盛事，每年一度嘅性虐節，本月尾喺加拿大蒙特利爾正式開始，邀請全球各國重口味戀物好友到場表演，更歡迎各位有心人到場參加。
戀物同好者大多鍾意乳膠、皮革、Cyber Cosplay、性感制服，總之將自己扮到好極端，咁至會有性慾，而每年世界各地都有大大小小嘅戀物派對，總會同性虐扯上關係，好似德國、英國及美國更係經常舉辦呢啲性虐派對，吸引各地同好參加交流，但要數最架勢最有號召力，必定係喺加拿大蒙特利爾呢個派對，咪以為係喺會展咁大壇嘢，事實佢每年都只選擇喺一間酒吧舉行，迫到要企爆門口嗰隻，由於佢哋搞得認真，所以全球同好者都視為人生必到派對，原來今年經已踏入第八屆，主辦單位就決定搞大佢，將原來三日兩夜嘅派對，加碼到五日五夜，好讓各位戀物同好盡情淫慾！
唔好開心住，派對非鼓勵各位荒淫，而係教授各位同好點樣安全玩性虐。今次主題就由服務開始，大會規定，所有持票入場人士都要有指定Dress Code，不論皮革、Lolita、Cosplay甚至小丑裝方可進場。另外除咗大會指定攝影師，當派對開始，一律禁止攝錄，真係好有規矩囉！又難怪嘅，事關八周年活動，大會早已邀請多個國家出名性虐表演者到現場講解現今流行玩法，當然更會有即場示範，除咗最多嘅德國妹外，連日本都派上三個代表，真係好架勢o架！睇真人騷之餘，派對仲邀請各地設計師展示最新服飾，當然會有囡囡Catwalk騷睇，不講不知，今日嘅愉虐戰衣，除咗喺床上開波嗰時着，原來已發展到不同風俗文化，近年更出現和服款式乳膠戰衣，仲有貴婦行政套裝等，就算着出街都仲得呀！
撰文：祖