小飛象： /_\ 早排睇到單新聞，即刻嚇咗一跳。事關單嘢講如果用夜光安全套嘅話，有機會因為用咗啲劣質貨，就算唔會因為用用吓破爛而搞出「人命」，亦有機會因為皮膚嚴重過敏而潰爛，甚至會讓女伴患上子宮頸癌，真係好得人驚呀！
大喇叭：@o@ 用埋啲平嘢就梗係易出事啦！唔係話平嘢冇好嘢，只係嗰啲Dom Dom真係來歷不明，有啲更係連生產商同有效期都冇。話晒都係一個夜光避孕套，點可能一個賣成幾蚊咁平呢？睇吓啲外國貨，閒閒哋都要成廿幾蚊，甚至幾十蚊個就知有景轟啦！
百合妹：+_+ 講真啲避孕套又夜光又奇形怪狀咁，係咪真係有用o架？好似我條仔咁，佢都試過用個海參狀嘅避孕套同我曳曳，好似畀啲古怪嘅嘢搞緊咁，一啲都唔覺得過癮，更何況夜光又好，發光又好，咪又係塞入去乜都睇唔到，用嚟都唔知做乜。
花生花：QoQ 啲人都係貪新鮮至咁玩啫！其實講真，曳曳用避孕套目的唔單止係為咗避孕，仲係為咗個人健康着想，既然係人生大事，花多少少錢買個健康又有乜所謂，最重要係玩得開心又放心。想知條仔係咪鍾意你，單係呢點就可以一清二楚啦！