有老友喺順德嘅骨場，諗住認係老闆嘅朋友會有着數，點知囡囡即時黑面兼放軟晒手腳做嘢，事後至知老闆嘅朋友一般都唔使畀錢，囡囡碰啱呢啲客人就要白做，所以即時冇晒幹勁，老友話以後都唔敢喺囡囡面前話識得人嘞。
其實你識唔識人，有冇優惠都好，資深北行前輩早就講過，千祈咪同囡囡講，否則一定事與願違，呢個老友就係最佳例子。其實你識得老闆或者經理，只要同前台講聲就可以，畀幾多折或者畀幾多優惠，佢哋自然識計，你唔放心可以問定，有啲乜嘢優惠早就有晒規定，而喺骨場運作上，好多時都係瞞住個囡囡，博囡囡月尾出糧時，多一個客，少一個客，打咗幾多折，一時間計唔清就算，萬一遇上啲心水清嘅，就會告知某月某日某個客人係老闆鐘「白做」嘅，佢哋自然收聲。
由於入職前囡囡大都知道有呢個規矩，所以只好無奈接受，當然，不滿情緒自然會有，但睇在大糧份上，有時收少一兩個客嘅肉金，都會冇乜所謂，但如果客人現場同囡囡講，咁就唔同，佢當然會將貨就價，放軟晒手腳嚟做嘢，後果係點已經唔使多講。除咗識得老闆同經理之外，近年網站都會推出優惠，同前台講聲係某網站會員就會有折扣，或者骨場有抽獎，你抽到免費或特價服務等，都千祈咪同囡囡講，否則服務質素嘅折扣會更大。師傅教落乜都當真嘅嚟做，囡囡自然就會交足功課。
地點：順德
語錄：識人千祈咪亂講，服務參差冇咁爽。
撰文：小德