女士去旅行除咗參觀名勝外，最重要就係Shopping，而對男士嚟講喺睇景點之餘，必不可少嘅環節就係𥄫吓當地嘅靚女。俄羅斯就有旅遊雜誌，選出喺男性遊客嘅眼中，邊個城市最多靚女，而質素之高更係讓佢哋印象難忘。
喺模特兒界就有唔少嚟自荷蘭阿姆斯特丹嘅超模，而裸模界亦有唔少索到爆嘅人馬，例如今年27歲，擁有5呎8吋身高嘅索模Ancilla Tilia就係其中一個好例子。不過喺男士遊客嘅眼中，阿姆斯特丹嘅索女唔單止外貌同身高吸引到佢哋，更重要係佢哋嘅打扮相當時尚，而且個性活潑，不論踩單車定係行路，都帶嚟活力十足嘅感覺。當然，最重要係阿姆斯特丹嘅女性作風大膽又開放，先至係讓佢哋動心嘅最大原因。
蒙特利爾嘅索女究竟有乜迷人之處？首先，大家要知道蒙特利爾係加拿大嘅法語區，而法語更係相當適合用嚟談情說愛嘅語言，試想象一個作風豪放，並用流利法語同你傾偈嘅索女，叫人點可能頂得順呢？就好似嚟自滿地可嘅人氣裸模Jenny Poussin咁，每次見到佢時都會畀佢嘅絕色容貌吸引住，再聽佢講嘢時嘅談吐，唔少男士都即刻暈得一陣陣。難怪有旅遊專家建議，想去蒙特利爾旅行嘅男士，記得喺出發前學定幾句冧女法文！
委內瑞拉出名多世界小姐冠軍，而作為一個盛產索女嘅地方，又點可能三甲不入呢？有唔少男士遊客就指，雖然委內瑞拉出名多靚女，但講到最密集嘅話，首推首都加拉加斯。事關當地嘅索女都擁有拉丁女性熱情又好客嘅作風，就算係三唔識七，都可以同佢哋嗲幾句。你話對一個遊客嚟講，有乜嘢比得上容易搭訕好呢？當然，搭到訕唔代表有下文，想有機會深入發展嘅話，最好都係學番幾句西班牙話啦！
如果話俄國美女多，相信冇人反對。皆因俄國女性出名輪廓分明，尤其係高挺嘅鼻樑，同埋修長又勻稱嘅身材，讓佢哋一出世就已經係超模嘅料！如果想遇上最索俄國嬌娃嘅話，梗係首選俄國首都莫斯科。有旅遊專家稱當地嘅地鐵站，係全球索女最密集嘅地方，唔知大家想唔想見識吓呢？
撰文：魂