日本經濟一直都冇乜起色，所以好多人都開始求神問卜，希望可以帶來好運，而坊間相信成日望住啲紅色嘢，就可以令自己好運，於是近年啲水着女優，喺作品內例必有紅色內衣示人，而最近就有網站，選出咗呢啲人氣女優嘅排名。
喺水着界出道10年嘅山本梓，能夠一直屹立不倒，自然有佢取勝嘅原因，身材樣貌都唔算太標青嘅佢，能夠攞到第一位，有專家分析主要原因就係佢夠親民，多年以來佢同班粉絲建立深厚嘅交情，所以山本梓做乜嘢都有大班粉絲支持，而當粉絲有事，佢就以紅內衣為賣點，鼓勵粉絲捱過難關，咁好關係，想唔第一都唔得。
年齡：31歲
三圍：32、22、33
身高：157cm
咪睇壇蜜成31歲，原來佢出道日子好短，據資料顯示09年先出道，但人氣一直高企，工作接到停唔到手，其實同山本梓一樣，無論身材同樣貌都只屬一般，但就深受粉絲歡迎，據專家分析原來壇蜜好識得講嘢，而且不時利用電子媒體同粉絲分享，有部分粉絲更當佢係醫治心靈嘅女神，佢輯紅泳衣照，更有人放喺荷包當護身符添。
年齡：31歲
三圍：33、24、35
身高：158cm
現年26歲嘅秋山莉奈，同樣出道有10年咁耐，初期以演《幪面超人》起家，之後一邊做演員，一邊做水着女優，成績不俗，人氣高企，秋山冇話自己要着紅色內衣嚟鼓勵大家，但近年就做咗好多探訪嘅活動，親自同低下層群眾接觸，有時記者訪問仲會流下同情眼淚，被大眾公認為愛心大使，所以佢嘅紅色泳衣照，亦大受歡迎。
年齡：26歲
三圍：33、24、37
身高：163cm
撰文：小德