宅男天地:媽媽成熟了

唔知大家記唔記得,2007年嘅時候電視台曾經播過套頗具話題性嘅日劇名為《14歲媽媽》。呢部作品講述由志田未來飾演嘅14歲初中少女因為偷嘗禁果而做咗未婚媽媽。14歲就大咗肚梗係令家人同學校方面大為震驚,又有好多人指指點點啦。佢嘅同學,由谷村美月飾演嘅15歲少女就向佢作出鼓勵,提供咗唔少幫助。事後發覺,原來美月亦曾經未婚懷孕。美月於當中嘅演出相當老練,演技備受讚賞。最近,美月就快22歲,為咗慶祝自己成熟,特別拍咗一本寫真集《FAKE》,當中阿妹將會展示自己變得更有女人味嘅面孔同媚態,亦會盡露成熟嘅肉體,如果有睇過《14歲的媽媽》嘅朋友欣賞到呢本寫真集,一定會更具滋味。

撰文:賢