慾蒲團:熊公仔俱樂部搵初戀感覺

美國有一間俱樂部,客人唔係隨便入得去,唔通所有會員都要非富則貴?原來唔係,男人只要喺光顧前,先去玩具店買一隻熊公仔,咁樣門口嘅「食蕉」至會畀你入去,入到去就喺芸芸美女當中揀自己啱心水嘅囡囡,將熊公仔送畀佢。呢份咁浪漫嘅情懷,唔知會唔會令大家諗起初戀嘅感覺?

買定公仔

呢間叫做「熊公仔俱樂部」嘅夜店,營業時間由下午4點至半夜12點鐘,裏面有廿幾個美女提供全套色慾服務,而賣點之一就係全部囡囡都十分年輕貌美,唔少仲紥起辮仔,相當嬌俏可人。呢間俱樂部仲有一個特色,就係客人嚟幫襯,要買隻熊公仔作為訂情信物,囡囡至肯帶你入房成其好事,如果冇買,門口「食蕉」就唔會畀你入去;但唔使驚,門口旁邊有間小店,裏面有大量熊公仔出售,價錢當然比起出面巿價貴一倍有多,但免得再走嚟走去,好多客人都樂意喺呢度買,當客人手持熊公仔進去,囡囡就會十分期待,睇吓你會將公仔交畀邊一個「幸運女孩」。

小小禮物

當客人揀好囡囡將公仔送畀佢時,囡囡會有好誇張嘅反應,例如大叫或者大跳,總之好似小女孩收到禮物一樣,仲會抱住客人嚟錫,客人滿足感大增,之後囡囡就會帶客人入房,裏面布置都係以可愛為主,如果囡囡房間內公仔愈多,就代表佢愈受歡迎,囡囡擺低公仔之後,就會施展渾身解數,令客人得到前所未有嘅享受。順帶一提,囡囡嘅內衣,大多有熊仔圖案,完事後囡囡會送剛剛剝落嚟小底底畀客人留念,但要小心,收咗後要放好,否則返到屋企畀老婆發現就大件事喇!但由於此項服務帶畀玩家有初戀嘅感覺,所以生意十分火爆!

撰文:小德