環保輝：#o# 6月嘅洛杉磯好熱鬧，因為有環保組織為提倡環保，節約能源，鼓勵民眾赤裸裸踩單車上街，展現自己美好身段之餘，又可以喚醒其他人嘅環保意識。其實呢個世界裸體單車日喺全球10多個城市聯合舉行，由04年舉辦到依家，已經有過百個城市參加，規模愈來愈大。今年淨係洛杉磯就已經聚集咗近500名赤裸騎士，我環保輝梗係睇到眼甘甘喇！事關有好多金髮美女，將最誘人嘅雙峰毫無保留咁呈現眼前，唔睇就白白浪費喇！
阿正：@o@ 其實呢個裸體單車日，唔一定要全裸o架！部分裸體大會都接受，所以我諗住下次親身飛去參加，現場𥄫嘢梗係正過上網睇，我又唔使光豬晒，淨係光豬上身就可以全程𥄫美女，仲可以趁機識番個鬼妹，隨時有機會打場友誼波都唔定呀！而且呢個單車日都幾有意義，值得去支持一下。
文強：&▼& 你條鹹濕佬，唔好講有咩意義喇！明明想𥄫嘢又扮晒嘢，其實外國成日都有呢啲活動，你不如移民去外國喇！仲有外國人成日見怪不怪，唔會用鹹濕眼光𥄫嘢，如果你去到𥄫到眼甘甘，畀人見到就失禮晒，仲影響埋中國人嘅形象，所以我勸你都係上網睇算喇！費事去到畀人打！
庭峰：€o€ 我就話下次呢個活動應該喺中國或者香港搞，咁我哋就方便參與，仲有好多同聲同氣嘅東方女性睇，正過睇鬼妹喇！不過夠膽出嚟赤裸踩單車嘅東方女仔，我諗都唔靚得去邊，隨時係全身肉騰騰嘅豬扒，又或者係「絕色佳麗」，如果場面搞到咁難堪，就唔搞好過搞，所以諗諗吓，呢啲活動都係外國搞過癮啲！