英雄：^v^ 最近係人都掛住睇歐國盃，不過愛爾蘭有位球迷就出晒風頭，網上爆紅程度仲勁過好多球星，有場C組分組賽，有名克羅地亞女球迷睇波睇到將上衣揭起，露出大大對美乳，結果引來席上一位披住愛爾蘭國旗的球迷垂青，更忍不住伸出舌頭輕舔，結果呢個鏡頭畀另一女球迷拍低放上Twitter。呢幅艷照隨即全球瘋傳，有份轉發的包括愛爾蘭入球球員辛列特加與意大利球星巴洛迪利，辛列特加更在Twitter寫上：「英雄啊！我要找他出來。」幾經辛苦之下，才發掘到呢位「哺乳哥」嘅真身，佢更加係一夜成名，仲變成國家英雄添，雖然場波輸咗，但係贏番個氣勢喎，更有傳媒特意採訪呢位20歲大學生。
球王超：€※€ 真係估唔到，外國人真係開放好多，如果呢件事情發生在香港，包保個出口術球迷冇運行，隨時畀人告非禮都有知，所以各位師兄千祈唔好有樣學樣，以為人哋外國得，自己就可以肆無忌憚，如果咁諗實出事。
D朗：@o@ 超哥！你對自己太冇信心喇，我D朗出名有型又靚仔，如果有女球迷夠膽在我面前露乳的話，我一定夠膽出口術，反正都係佢引誘我先，就算告都未必告得入喇！不過我就唔會鼓勵囡囡咁豪放，事關中國女人始終係含蓄啲比較可愛！
陳譚：€-€ 我係一個好正義嘅男人，我覺得外國睇波特別烏煙瘴氣，又飲酒又露體又打交又騷亂，總之冇乜好事發生，影響晒場比賽不特止，仲令真係想睇波嘅球迷冇晒癮。所以我對呢個「哺乳哥」冇乜興趣，亦都唔羨慕佢，事關我唔使睇波時候，都大把女埋身喇！