最近長春舉行大型房銷展，吸引唔少人進場觀看，但最令來賓矚目嘅並唔係天價豪宅，亦唔係半山別墅，而係六位半裸上身、下身只着三角褲、身上仲有層層彩繪圖案嘅囡囡。
真係唔記得幾時開始興起，內地嘅房銷展一定會搵啲裸女嚟表演彩繪藝術，等同車展，就一定有車模一樣，但車模企喺名車旁邊，吸引人注視都情有可原，但房銷展搵彩繪女郎，又唔係要佢派傳單，真係估唔到搵佢哋嚟做乜？唯一諗到就係賣弄色情，吸引大批男顧客嚟捧場，事關囡囡繪上圖案後，就要上台演出，所謂演出，就係行吓跳吓，總知就要胸部不停晃動，令男士們目不暇給。
雖然囡囡半裸示人，但都唔算犯法，加上有藝術成分包裝，冇人會話鹹濕，而走去舉報，至於呢啲囡囡大多數喺夜場搵番嚟，據講做一場騷收入都唔錯，到場後換衫，畀師傅上色，跟手表演大約廿零分鐘，到離開時半日時間都唔使，但就可以賺到兩至三千大元，為五六百蚊一個鐘，計起嚟比啲車模賺得仲多，由於囡囡大多數都蒙面，所以樣子上冇乜要求，但上圍一定要夠豐滿，因為個騷成唔成功，全靠囡囡表演時晃動得有幾厲害。相信彩繪真空騷正係方興未艾，長做長有呀！
地點：長春
語錄：房產騷上露真空，彩繪藝術色情風。
撰文：賢