涼粉：€※€最近西安電視台爆出笑話，話說有農民喺個80呎深嘅水井內，撈到一件7至8吋長嘅古怪東西上嚟，件嘢前後有個磨菇頭，而且有個窿，懷疑係肉靈芝，於是叫電視台記者嚟採訪，個女記者嚟到真係當佢寶物咁採訪，新聞片仲播出街，馬上有人一眼認出，呢件只係用軟膠做嘅假陰道，新聞部即時瘀爆。
笨占：^v^搞出咁嘅笑話，證明西安嘅朋友十分純品，連假陰道都唔識，所以交朋結友，就一定要搵西安人，至於喺水井發現假陰道，亦同佢哋正直個性有關，一定係有農民喺城市受誘惑，買到啲咁嘅用品返嚟，試過之後，發覺同真陰道大有出入，於是不再迷戀呢啲性用品，跟手就掉咗佢落水井，只係陰差陽錯，又被人撈起。
女強人：€-€計我話農民無知都情有可原，到現場採訪嘅女記者，啱啱讀完書，社會經驗唔夠，亦都無話可說，但電視台新聞部咁多大哥大姐，我就唔信冇人知道係件假陰道，因為有一邊嘅外表同外陰道一樣，有晒大小陰唇，咁都意會唔到，真係唔知話你哋純情，定係白癡，將來有啲乜嘢重大新聞，仲敢畀你哋班大哥嚟把關咩？
路人丁：@o@雖然呢單只係笑話，但都幾火爆吓，有網友話下次有人亂掉震蛋，咁啱有隻雞坐咗落去，農民轉頭發現自己隻土雞會生震蛋，於是又成大新聞，又或者有人亂掉人形自慰棒喺瓜田，農夫發現自己塊田生出陽具形青瓜，而且仲識震動添，相信又會成為大新聞，所以內地唔只食物造假嚴重，有時新聞嘅真實性都好有可疑。