之前同大家提過，好多日本水着女優十來歲就出道，憑住青春又可愛嘅面孔，以及鮮嫩又白滑嘅胴體吸引大家注意。到20歲嘅時候，佢哋多數都會拍本寫真集紀念呢個象徵自己長大成人嘅年紀，不過黑川芽以就冇咁做，原因唔係佢唔記得，而係太忙。今年25歲嘅芽以11歲就已經開始拍電視劇，之前仲做埋歌手。由於阿妹嬌俏可人，又唱得又演得，所以相繼接拍好多電影同電視劇。亦因為佢身材玲瓏浮凸，所以8年前曾經拍過寫真集。當時阿妹穿上三點式再配合陽光與海灘，散發嘅青春魅力真係令人難以抵擋。但係由於芽以實在貴人事忙，所以到20歲嘅時候就唔得閒再拍寫真，然而到25歲嘅今日，阿妹就隆重推出相隔8年嘅寫真集《peplum》，當中芽以盡情展露自己火辣嘅胴體，仲會玩圍裙同睡衣誘惑，大家唔好錯過喇。