日本人氣電玩《ToHeart2》中嘅女主角向坂環嘅模型造型相當多，當中有水手服、體操服、女僕服等等，真係多到十隻手都數唔晒！不過講到最受歡迎嘅制服，卻非水着服莫屬。事關換上泳衣嘅環姐，玲瓏浮凸嘅身材一覽無遺之餘，更係性感度爆燈，叫人點可以唔愛上佢呢？
今次嘅水着版環姐，以最傳統嘅一件頭泳衣上陣，貼身泳衣讓前凸後趷嘅身材更加有觀賞性，亦滿足咗對傳統泳衣情有獨鍾嘅模型迷，而水手服半脫嘅造型，更係讓環姐平添一份誘惑嘅味道。當然，模型另一個賣點，就係佢大晒一對迷人嘅修長美腿，絕對係個養眼度十足嘅佳作！
全高：約150mm
售價：約HK$758
暫定發售日期：2012年7月
撰文：魂