有人畫打鬥熱血漫畫，畫到街知巷聞，亦有人畫火辣索女漫畫，畫到有廠商幫佢出Figure，講緊嘅就係筱塚篤嘞！呢位插畫師以繪畫巨乳美少女而著名，曾幫人氣動畫《真‧戀姬無雙》、《蒼天Serena的背面》等作人物設定，而今次介紹嘅呢個模型，就係出自佢嘅人形攬枕系列嘅魔法少女Ririisuta。
呢位魔法少女嘅賣點，當然唔係佢件華麗嘅魔法袍，又或者係佢支魔法棒，而係喺佢個心口度。事關佢個雙子峰不但分量十足，而且仲玩埋飛釘，賣相相當養眼。此外，佢條高開衩戰袍下，更讓內裏嘅小底褲原形畢露，而修長美腿更係盡現眼前，讓人一覽無遺，如此誘人嘅作品，叫人點可以唔入貨呢？
全高：約230mm
售價：約HK$1,397
暫定發售日期：2012年7月
撰文：魂