有人話禮拜六冇節目，搞到要喺屋企煲電視，又有人話想落Club要等夜晚至得，日頭唔知搞乜至好。其實想日頭落Club搵節目，唔係冇可能嘅事，好似美國拉斯維加斯嘅Encore Beach Club咁，每逢禮拜六就會大搞比堅尼派對之餘，場內嘅超大泳池更設有陰濕水槍舞台，大玩三點濕身誘惑！
美國拉斯維加斯嘅夜生活多姿多采係人都知，卻估唔到日頭同樣咁精彩，唔單止有索女任瞄、溝、啜，仲要有個巨型泳池畀你玩，講緊嘅就係Encore Beach Club嘞！呢間夜總會不但佔地過萬平方呎，而Club內更設有一個超巨型泳池，畀人玩水之餘，每到禮拜六更舉辦比堅尼派對，除咗誠邀各路Party Animal嚟狂歡，更搵嚟一班索到爆，身材更係玲瓏浮凸嘅艷舞女郎陪大家勁玩，現場仲要有DJ打碟，絕對係一個激情四射，兼夾艷光十足嘅狂歡派對！派對最吸引嘅地方，唔單止因為佢哋索女多到攬唔晒，亦因為泳池內置有一個蠱惑舞池。呢個浮喺泳池上嘅舞池，不但畀眾男女喺度跳舞，佢仲會不定時射出勁力十足嘅水柱，勁到足以射甩索女身上件泳衣。
雖然話會射甩件泳衣，但仍然有唔少男女專登上去，畀佢射甩Bra，點解呢？一個字講晒，High！原來班索女玩家玩得勁High時，莫講話隨時隨地想Bra解，家陣有機會玩埋射甩泳衣兼露埋三點，佢哋覺得勁興奮之餘，睇嘅玩家仲亢奮。當然，講到最養眼嘅，梗係輪到班艷舞女郎上台演出啦！事關露三點對佢哋嚟講只係碎料，佢哋仲會跳落泳池，不論男女攬到就啜，啜完再磨，狂野又放蕩嘅表現，搞到全場High到爆炸！有經常去呢個派對嘅玩家就表示，泳池派對佢就去得多，只係喺夜總會度玩兼夾有咁多主動又豪放索女嘅派對，卻係只此一家，因此不但係佢，好多玩家每個周末都會約埋班老友，湧住去溝女。
撰文：峰魂簫