廣州自從搬咗機場去花都之後，當地發展就一日千里，尤其是夜夜笙歌嘅娛樂場所，更加開到成行成市。小木有老友最近就成日去花都玩，佢話其中一間大型夜總會，為咗吸引更多客人幫襯，個個月都搞好多花臣，有一次佢遇到個囡囡內衣騷，成場囡囡以性感內衣陪坐陪飲陪玩，感覺好過癮。
原來好多囡囡喺早前大掃黃期間，借咗公司好多糧，所以到依家就係回報嘅時候，於是瞓身搏命，乜嘢都肯制，就算玩得幾癲都冇問題，最緊要搵多啲錢，及早還清條數，如果唔係利疊利，做到七十歲都未還完就慘喇！公司見囡囡咁搏命，自然會諗多啲橋，滿足客人貪新鮮嘅慾望。咁啱夜總會又有個大客做內衣生意，於是一拍即合，決定大搞內衣騷，搵囡囡行Cat Walk，有得睇有得摸，仲有得玩，直情好睇過巴黎時裝騷喇！
夜總會將囡囡分成兩種，一種正常囡囡，另一種內衣騷囡囡，而小費方面，正常囡囡反而更貴，而內衣騷女郎，卻割價酬賓，絕對係天大喜訊，係男人入到去都識揀喇！有特別服務仲有優惠，夜總會擺明就係要囡囡賣肉求財，盡快搵番之前失去嘅收入。所有內衣騷囡囡，除咗着內衣侍客之外，入房嘅時候，都要行一轉貓步，好似登台咁樣，引誘到客人口水直流。不過老友話唯一美中不足之處，就係好大機會要走鬼，佢試過一晚走三次都有，所以上去玩嘅時候，一定要小心，費事畀人捉到正，要朋友營救就麻煩喇！
地點：花都
語錄：內衣貓步誘惑多，有得睇仲有得摸！
撰文：荒木