為咗催谷人氣，好多日本藝能人都會擺脫密實形象，轉而拍攝三點式寫真，姑勿論女藝人到底身材好唔好，一脫大多可以令期待佢解禁嘅男士大開眼界，若然身材好，樣又靚，則更加可以令廣大男士將佢奉為女神，就好似岡田茉奈咁。今年27歲嘅茉奈青春可愛，自高中畢業就殺入藝能界發展，曾經拍過唔少電影，亦做過日本電視節目《世界驚奇發現！》嘅主持人，來頭絕對唔小。早前，茉奈已經為上位而換上泳裝，谷盡其C-Cup美乳拍寫真，令觀眾為其姣好身材以及白滑幼嫩嘅胴體而驚訝，今次推出最新寫真DVD《fleur》，阿妹更變本加厲，實行連泳裝都唔着，並且以鮮花為主題拍攝。雖然，茉奈一點都唔露，但係見到佢露出咁多白滑肌膚，大家亦一樣睇得興奮開心。