雖然家陣嘅安全套款式又多又安全，但係好多男人都唔鍾意同伴侶上床嘅時候用套，話會影響感覺喎。不過，好多女仔就覺得用套至最能夠保障自己，亦話食避孕丸會肥胖云云，所以點都要逼男方用套。以後，男方就唔使跪低求女友打真軍喇，因為大家可以推出另一個有力理據。早前，美國密西根大學進行過一個調查，發現以食避孕丸作為主要避孕手段嘅女性，比起唔食嘅女性，搵錢多百分之八，事業前景亦更為理想。負責調查嘅教授就表示，原因係食避孕丸嘅女性一般都更遲生第一胎，所以可以將全副精神放到事業，搵錢梗係會更多啦。所以，大家以後可以同女伴講：為咗大家嘅未來，我惟有勉為其難唔用套，而你就記住食避孕丸啦甜心。