日本嘅AV女優好鍾意搞簽名會同握手會，同粉絲嚟個近距離嘅接觸，可以讓粉絲加深對佢哋嘅了解。不過有人卻覺得呢啲聚會有得睇冇得食，到喉唔到肺，及唔上今日介紹呢個專門安排粉絲同脫星會面嘅粉絲交流室咁，既有得睇又有得食咁Happy！
四仔迷喺屏幕度睇脫星嘅演出就多，近距離接觸嘅機會卻相當少，更遑論親身感受一下佢哋超凡嘅床上功夫。美國加州就有成人網站，報稱可以安排四仔迷同性感女神會面，等佢哋可以加深對脫星嘅了解。據呢個網站宣稱，四仔迷只需要透過網絡預約，並交付一定嘅預約費，而預約費則視乎脫星嘅當紅程度而定，愈紅自然愈貴。跟住就有專人代為安排時間同地點，等佢哋可以密會脫星。從佢哋嘅介紹發現，密會嘅環節分為三個部分，第一部分就係傾偈，粉絲可同偶像密密斟；第二部分則係脫星天才表演，至於表演啲乜就唔知；而最後嘅互動環節更係神秘，話明係互動，就知唔會係同脫星煮飯仔或行街街咁簡單。
有曾經透過呢個網站，成功同心儀脫星密會嘅玩家就話，佢試過約一啲較為大牌嘅脫星出嚟見面，可惜最後都未能成功，反而一啲三、四線嘅脫星，則好快就安排得到。至於價錢方面都幾乸脷，每粒鐘密會費就要八百美金起，折合約為六千二百港幣。當然，咁貴嘅價錢，梗係唔會齋傾偈同玩啦！據呢位玩家講，互動環節至係密會嘅戲肉，原來所謂互動環節，即係脫星同玩家嚟個情慾接觸，但咪以為可以真箇銷魂，皆因脫星只會提供口同手部嘅服務，如果想上床曳曳嘅話，就要另外加錢，並視乎該脫星開嘅價錢。話說回來，條數咁乸脷仲要加錢，會唔會有四仔迷肯制呢？呢位玩家就話事實上確係有唔少人捧場，事關唔係輕易有咁嘅機會可以一親脫星嘅香澤，因此仍有一定嘅市場。
撰文：峰魂簫