「咁大個人仲打機？」講出呢句說話嘅人一定唔知道，十幾廿年前已經有好多遊戲只限成人玩樂，不過老實講，一系列成人遊戲除咗因為有色情成分而唔可以畀小朋友玩之外，仲因為遊戲本身極具深度，只有成熟嘅男士至識得玩，就好似今日為大家介紹嘅呢隻日本戰略型色情遊戲《決戰！乙女們之戰場3》一樣。
呢款遊戲出晒名具戰略性，其背景就取自第二次世界大戰時期，玩家則需扮演指揮官，指揮屬下女軍官帶住不同種類嘅士兵或戰爭機器作戰，需要因應女軍官嘅特性、兵種屬性、地形、天氣等因素，再決定行軍策略。而打仗嘅時候，遊戲製作者更特別添上鹽花，因為我方或敵方女軍官受到一定程度攻擊，身上嘅衫就會被撕破，然後大露酥胸，而雙峰特別以3D技術繪製，同時加入乳搖效果，一定令大家玩得過癮。
售價：約HK$927
撰文：小德