有人戲稱跳水運動做插水，而插水呢個名，卻係藝人最怕聽到嘅名詞。事關係藝人都想飛黃騰達，萬一人氣同事業都插水嘅話，咁又真係該煨囉！不過對日本水着女優南結衣，同埋內地索模笨小安嚟講，卻唔怕名字上嘅忌諱之餘，仲認為透過跳水運動，可以充分展現佢哋靈巧嘅身手，同展現美好嘅身段。
跳水除咗要泳術精，又唔怕高兼有勇氣之餘，身材仲要相當靈活，否則真係好危險！不過對外表斯斯文文，查實係個運動健將嘅南結衣嚟講，跳水只係小菜一碟，玩埋轉體三周半都冇問題。佢之所以咁好身手，皆因佢自細就已經係個運動好手，跑步、跳遠、撐竿跳樣樣田徑運動都相當掂當，踢波仲係拿手項目。2007年時佢就加入由一班女藝能人組成嘅「南葛Shutzu」足球隊。不過講到最叻卻係跳水呢瓣，事關南結衣身手相當好，手腳配合度更好高，玩跳水對佢嚟講一啲難度都冇。佢仲話喺倫敦奧運會時，一定會到跳水館為日本跳水運動員打氣。如果想一睹呢位索女嘅風采，記得要買定飛呀！
好多人聽到笨小安呢個名時，都會覺得相當奇怪，皆因好人好姐做乜要改個咁奇怪嘅名。原來洋名叫Ann嘅笨小安，其實一啲都唔蠢，反而仲相當醒目，精通英語之餘，體育更係佢嘅強項嚟，不論係打乒乓波定係打棒球，佢都相當拿手，可是講到最專精嘅卻係跳水。咪睇笨小安身材玲瓏浮凸，佢身體柔韌度相當高又靈活，跳水不但難佢唔倒，影寫真擺高難度甫士更係游刃有餘。既然佢文武兼備，點解又要改個咁貶義嘅名呢？笨小安表示謙稱自己嘅目的，係為咗可以提升親和度，加上模特兒界索女前輩多，謙虛一下好應該。咁抵得諗，笨小安想唔彈起都難啦！
年齡：22歲
三圍：35、23、33
身高：156cm
職業：水着女優、主持
年齡：23歲
三圍：35、26、36
身高：166cm
職業：模特兒
撰文：峰魂簫